Ing Metung a Kaluguran

Atin kong metung a kaluguran na makapagtaka namu ot mekanyan ya...atin ya palang sasalikut a past na...
Kwento ke mung bagya...Alilan ke lagyu ne kasi para sigurado namu...lagyu na is Vin...nyang maglolo ya ketang abe ko obra...akakit miyang ne ka sweet...neng ka loving...alang aldo na ali me akakit na agyu nang ali akit ining i Cianne ali na mu rin tutung lagyu...keng halos pilan pang bulan ming pangabalu kaya...atin yang gewang biglang megbaligtad ing mundo at balamu aliwa iya ing kakilala ming Vin.

Minsan memasyal ya ining i Vin at Cianne ketang kaluguran ng Cianne...kaybat megpaalam ya i Vin na atin yang puntalan saguli...sakto pamu masikan ing uran at babagyu kanita...ot miras maygit metung oras ali ya pa magbalik ining i Vin...atin la pa namang communication Cianne through text...nayng meynip ne rugu ining i Cianne inawus na ne...makapatda ne ing cellphone ng Vin...syempre nino namang ali migaganaka ketang oras a ayta....memanwus ne rugu ining cianne kareng aliwa nang kaluguran para pasaop na pantunan ining i Vin...inawus na ne mu rin ing pengari ng Vin...alayu karela...ala lang idea nokarin ya i Vin.

Keng kalabatan sabi ng Tatang ng Vin...ali ya dapat migaganaka i Cianne...dati na ne kanung gagawan ita...so bayu ya minuli i Cianne karela...tinaglus ya pa kari Vin para akasabi nepin ing Tatang ng Vin...atin yang abalitang dyang ako mangatakutan ko at manga-paisip ko keng sitwasyun na ita. Dati ne kanung gagamit drugs...kaya pin minuli la pampanga dahil keni ya kanu merehab....atin muring  3 aldo bayu ya minuli.

Ing masakit kanini...marakal rugung maghusga kang Vin....neng kasakit a sitwasyun...deng aliwang mekabalita sabi da...nanu yang klaseng tao na mayna at pota atin yang problema keng isip. Kasakit ne...ako ing malulunus kaya...kesa keng sopan deng magbayu ing tau nong kabilis maghusga...

Atin murin 5 aldo bayu ya pepalto i Vin kang Cianne, pero ing kasantingan misabi lang masalese...balakusa pin mikawani nalang 2 e....Pasalamat kong maragul na i Cianne atin yang takot keng Ginu at dyang ali ya pa makanitang kalalaman...ikit na kung makananu kahalaga ning manatili keng salita ning Ginu at manatili kaya. Kaya sabi mi pin...pisopan mi keng pangadi at puntalan de ding kapatiran i Vin para hikayatan de muling makyabe keng pamaglapit na keng Apung Ginu.

Neng tapang megsalita i Cianne pero ali ne dinikdik ing pangatao nang Vin...agyu na pang sinabi deng mangasanting a bage keng pangatao na bayu itang masakit a geas na na kabud nyamung mewala at ali pepakit...mas miniral ya itang makasarili na kesa ketang luugd na keng Ginu at keng pamilya na at i Cianne...neng galing sinabi i Cianne...sabi nang Cianne kang Vin...aliwa dapat ikami ing dahilan mo keng pamagbayu mo...dapat maging dahilan mo mumuna ing lugud mo keng Dyos at pag ita ing a una mo siguradong ikami mu ring pamilya mo matula keka kasi sigurado ne ing pamagbayu mo...itang pamag tuluy tuluy keng apung Ginu at siguradong maging masalese ne Biye na kanita.

Kailangan pang magpakatatag ya spiritual kaybat mag apply ya pang obra na kening clark para atin yang pag umpisan...akit da deng buo nang pamilya na ya mismo byasa neng talakad keng sarili nang bitis...at deng luluban na...siguradong para keng apung ginu, para keng sarili na at para keng maging pamilya na...kung tutuusin matwa ne..ot balamu ali ne balu ing pangawan na...

Talagang makanyan alang edad kung megkamali ka...agad dang akit na byasa kang bumangon kasi keng apung ginu hanggat megbalik ka kaya...alang sayang a panahon kasi bawat panahon at sitwasyun ating dahilan...para keng Glory na ning Ginu.

Panalangin ko keng Apung ginu na ining i Vin samasan na na...at i Cianne patuluy yang tatalan keng apung Ginu at akit dang pareho na manyaman kayabe ing apung ginu keng agana ganang bage keng mundo....Sabi napin ning Banal na Aklat...Lumapit ka keng Dyos, at lumapit ya keka..resist me ing gawa na ning kalaban at lumaot ya keka...pero kailangan ita daily - aldo aldo para ing bawat aldo tamu siguradong ing apung ginu ing abe ta....sigurado ko...salese lang pareho...maniwala ko karin...keng pamagbayu ning tao.